By: JoMaque | Oktubre 19, 2020
Aksyon Radyo Iloilo

Iloilo City — Ginhatagan ni Mayor Jerry Treñas sang duha ka semana nga extension ang mga bars kag restaurants sa pagbutang sang barriers agud liwat nga maka-operate ang establisyemento.

Suno sa alkalde, nahangpan niya nga nabudlayan ang mga bar kag restaurant owners nga matapos ang barrier installation sa ginhatag niya nga deadline gani ginhatagan niya sang tubtub sa katapusan sang subong nga bulan.

Nahibaluan man sang alkalde nga dugang ini nga gasto sa mga negosyante ilabe na sa sitwasyon subong, pero ginarekomendar sang mga doctor suno sa iya ang pagbutang sang barrier.

Ginpahayag sang alkalde nga i-monitor sang siyudad ang compliance sang mga bars and restaurant owners sa pagbutang sang barrier.

Kanselahon ang business permit kag siraduhan ang bar ukon restaurant nga wala naga-comply sa mando pagkatapos sang deadline suno kay Mayor Treñas. | via Aksyon Hotline, Oktubre 17, 2020

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply