By: JoMaque | Oktubre 19, 2020
Aksyon Radyo Iloilo

Iloilo — Pagalimitahan na lang sa miyembro sang pamilya kag panimalay ang mga matambong sa birthday, kasal, bunyag kag iban pa nga okasyon nga ginahiwat sa probinsya sang Iloilo.

Sa Executive Order Number 183-C ni Governor Arthur Defenfor Jr, pasugtan lang nga makatambong sa family gatherings ang indi miyembro sang pamilya kun ang okasyon ginahiwat sa guwa sang balay.

Katuyuan sini suno sa gobernador nga mapunggan nga magkadto sa balay ang iban nga tawo kag malikawan ang local transmission pananglitan magpositibo sa COVID-19 ang bisita nga halin sa guwa sang probinsya.

Nalakip man sa adjustment sa EO nga dapat indi magsobra sa 75 ka mga indibidwal ang matambong kun may convention, seminars, workshops kag iban pa nga pagtililipon.

Suno sa gobernador, mabudlay i-handle ang madamo nga tawo kag indi na ma-practice ang physical distancing.

Dapat man panundumon suno sa iya sang mga partisipante sa event nga likawan ang face-to-face contact, i-maintain ang 1.5 meters nga distansya, indi magpadugay sang 15 minutos nga kaupod ang iban nga partisipante kag likawan ang physical contact ukon pagkumustahanay. | via Aksyon Firingline, Oktubre 17, 2020

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply