By: JoMaque | Oktubre 19, 2020
Aksyon Radyo Iloilo

Iloilo — Ipaidalum sa 14 ka adlaw nga quarantine ang taga-probinsya sang Iloilo nga pasyente kag iya bantay nga nakatenir sa ospital sang masobra 24-oras agud malikawan ang dugang nga local transmission sang COVID-19 sa ila pamilya ukon komunidad.

Dugang ini nga adjustment sa ginapatuman nga Reverse Isolation sa probinsya sang Iloilo base sa gin-issue nga Executive Order Number 183-C ni Governor Arthur Defensor Jr.

Ginpahayag sang gobernador nga base sa ila data, sources sang transmission ang mga tertiary hospitals kag mga workplaces.

Ini ang napaminsaran niya nga stratehiya agud mabuhinan ang local transmission bangud indi man makabutang ang Iloilo province sang border restrictions sa siyudad sang Iloilo kag iban pa nga local government units.

Magluwas sa quarantine kag isolation, ipaidalum man sa RT PCR test ang pasyente kag iya bantay kag kun mag-negatibo ang ila resulta, gilayon man sila nga i-dischange suno sa gobernador.

Pero indi applicable ang amo nga stratehiya kun negatibo ang resulta sang RT PCR test sang pasyente kag iya bantay antes sila nagpauli sa probinsya. | via Aksyon Firingline, Oktubre 17, 2020

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply