By: JoMaque | Oktubre 20, 2020

Iloilo City — Maga-deploy sang 2,277 ka mga police officers ang Police Regional Office 6 agud magbantay sa mga patyo, tourist destinations kag mga masami ginakadtuan nga lugar pareho sang malls kag terminals.

Suno kay PRO 6 spokesperson Police Colonel Joem Malong, bisan sirado suno sa iya sa Oktubre 29 tubtub Nobyembre 4 ang mga patyo, sigurado nga mapadulong ang mga tawo sa mga tourist destinations gani nalakip man ini sa ila preparasyon.

Maga-deploy sang mga police sa tagsa ka patyo agud masiguro nga wala sang may makasulod halin Oktubre 29 tubtub Nobyembre 4.

Base sa guidelines sang national Inter-Agency Task Force, pwede makabisita sa mga patyo kag memorial parks halin Setyembre 17 tubtub Oktubre 28 kag halin Nobyembre 5 tubtub Nobyembre 15.

Ginpahanumdom ni Malong ang publiko nga pwede lang makabisita sa patyo sa nasambit nga mga petsa.

Ginabawal gihapon sa patyo ang pagdala sang mga bladed weapons, armas, pagsugal kag pagpatukar sang music.

Magabutang man ang PRO 6 sang Police Assistance Hub sa mga tourist destinations kag may mga police man nga magahimo sang routinary patrol sa kada banwa ukon siyudad agud magbantay sang mga pamalay sa tuyo nga matapna ang akyat-bahay.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply