COVID-19 sa Western Visayas, malapit na sa 15,000
By: Aine Grace Bravo, Aksyon Radyo Iloilo
ILOILO CITY, October 20, 2020 – Malapit na 15,000 ang kaso sang COVID-19 sa Western Visayas sang nadugang ang 115 ka bag-o nga kaso subong nga adlaw, Oktubre 20.
Base sa case bulletin No. 207 sang Department of Health 6, nadugangan man sang 109 new recoveries kag pito ka bag-o nga nagkalamatay sa COVID-19 ang rehiyon.
Sa bag-o nga kaso, 56 halin sa Iloilo City, 25 sa Iloilo Province, 15 sa Capiz, 13 sa Negros Occidental, apat (4) sa Bacolod City kag duha (2) sa Guimaras.
Sa kabug-usan, ang Western Visayas may 14,906 na ka kaso -3,018 na lang ang ctive cases; 11,532 ang recoveries kag 356 ang total deaths. | Via DOH 6