DOH, naka-record sang 1,640 new COVID-19 cases, 369 new recoveries, 17 new deaths sa Pilipinas

By: Aine Grace Bravo, Aksyon Radyo Iloilo

METRO MANILA, October 20, 2020 — 1,640 ka bag-o nga kaso sang COVID-19 ang nadugang sa Pilipinas subong nga adlaw, Oktubre 20.

Gin-report man sang Department of Health ang 369 new recoveries kag 17 ka bag-o nga nagkalamatay bangud sa COVID-19.

Nakasulod sa Top 5 sang may pinakamadamo nga bag-o nga kaso ang Cavite kag Quezon City nga pareho may 86, Batangas nga may 69, Bulacan nga may 62 kag Manila City nga may 61 new cases.

15 naman ka mga laboratories sa pungsod ang wala nakasumiter sang data sa COVID-19 Data Repository System sang Oktubre 19.

Sa kabug-usan ang Pilipinas, may 360,775 ka kaso —43,443 ang active cases, 310,642 ang total recoveries kag 6,690 ka total deaths. | Via DOH