By: JoMaque | Oktubre 20, 2020

Guimbal — Nagpositibo sa COVID-19 ang 40 anyos nga manunudlo sa Guimbal National High School nga lakip sa gin-subject sa random testing.

Suno kay Dr. Jay Dorin, Municipal Health Officer sa Guimbal, asymptomatic ukon wala sang sintomas ang babaye nga manunudlo kag natalana nga dal-on sa isolation facility subong nga adlaw, Oktubre 19.

Lakip ang nagpositibo sa 50 ka mga personnel sang GNHS nga gin-swab sang Oktubre 15.

Posible na-infect ang manunudlo bangud nakabyahe pakadto sa syudad suno kay Dr. Dorin.

Padayon ang contact tracing sa mga close contacts sang nagpositibo.

Indi naman makabig nga close contacts ang 49 la iban pa nga mga personnel nga kadungan niya nga gin-swab bangud naga-observe sang minimum health standards.

Ginahulat pa sang Guimbal MHO ang resulta sang iban nga mga gin-swab.

May 55 ka mga personnel ang GNHS nga una na gin-swab kag lunsay negatibo ang ila resulta.

Subong ang schedule sang GNHS sa pag-distribute kag pagkolekta sang modules.

Ginkuhaan sang Aksyon Radyo Iloilo sang pahayag si Mr. Darwin Haro, principal sang GNHS, apang wala pa siya nakahatag. | via Aksyon Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply