By: JoMaque | Oktubre 22, 2020

SI Hannah, 18-anyos sang Igbaras, nagpadala sang iya istorya sa “Aksyon sa Edukasyon,” programa sang Aksyon Radyo Iloilo nga nagatuyo magbulig sa mga estudyante nga nagakinahanglan sang cellphone para sa ila online class.

Ang Aksyon Radyo Iloilo, paagi sa Aksyon sa Edukasyon program, ang mahatag sang cellphone para sa mga nagsulat sang ila istorya nga nagakinahanglan sang cellphone sa pag-eskwela.

Gin-validate sang team ang istorya ni Hannah kag napamatud-an nga deserving siya nga hatagan sang cellphone para sa iya pag-eskwela!

YARI ANG ISTORYA NGA GINPADALA NI HANNAH SANG IGBARAS:

“Gahigda na ako sadto sa hiligdaan ko gabi-i sang sini lang nga Oktubre 5. Sa kada ti-on nga ipiyong ko ang akon mata, galutaw ang laragway sang papa ko nga gahalabok ang tiil kag nahaplakan sang pasaw sa iya kilid. Gapalanguykoy man sa sakit kag tama nga iwat sang pasahero, ginalubag gihapon ang manibela sang jeep kay mabalik na kami mag ulutod sa pag-eskwela.

Ako si Hannah. Gaeskwela ako sa Guimbal High, constant honor student, Vice President sang SSG kag isa ka nagahimakas nga student journalist.

Grade 12 na ako kag yara ako sa STEM strand,gahilibion nalang ako kay wala ako inugsabat sa amon research kag paano mabal-an kung paano ang pagsabat sa halos sang mga module ko nga kinanglan pa instruction sang amon maestra sa GC pero wala ako cellphone.

Gaka-ulungan nga natulok ko ang schedule sang Grade4 ko nga manghod,adlaw adlaw may ara sila online class sa pili nga subject (ang mga ini mabudlay kag kinahanglan instruction sang maestra).

Nagakasubo ako kay wala sa ka attend duwa ka adlaw na. Hambal ya “Ate di nalang ako mag online class. Wala kita gadget kag di rn daad mangutang si Mama para sa load.”

Kasakit nga kagamay pa saiya pero bal an ya na ang tani. “

Ang recipient sang cellphone ang ginlawag sa Aksyon Hotline subong nga aga, Oktubre 21.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply