By: JoMaque | Oktubre 22, 2020

Antique — Mahimo nga i-subject na lang sa home quarantine ang mga Locally Stranded Individuals kag Returning Overseas Filipinos sa Antique.

Base sa Executive Order Number 137-A ni Governor Rhodora Cadiao, nagadepende ini sa risk assessment sang Municipal Health Office bangud puno na ang mga Community Isolation Facilities.

Magasumiter ang kada banwa sa Antique Inter Agency Task Force sang capacity status sang ila Community Isolation Facilities kada Byernes.

Kun maga-quarantine naman sa pasilidad sang LGU, ang pamilya na sang LSI ukon OFW ang maga-provide sang pagkaun kag supply niya.

Ginpatuman na ang amo nga EO kag magalawig tubtob sa Oktubre 31.

Suno sa Department of Health, ginapahanugutan ang home quarantine kun may separado nga kwarto nga mahimo teniran ang indibidwal.

Kinahanglan may separado man siya nga comfort room sa sulod sang kwarto kag wala sang miembro sang ila pamilya nga kabahin sag vulnerable sectors ukon may comorbidity. | via Aksyon Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply