By: JoMaque | Oktubre 22, 2020

Bulagay man ang mga ginikanan, wala ini nangin-upang kay Lovely, 18 anyos sang Brgy. Igang Nueva Valencia, Guimaras agud padayunon ang iya pagtuon. Makapila ka beses na nga nagsaylo-saylo sang eskwelahan bangud wala siya sang permamente nga ilistaran kag isahanon nga nagahimakas agud makatapos sa pag-eskwela. Paagi sa “Aksyon sa Edukasyon”, isa si Lovely sa mga deserving nga estudyante nga nakabaton sang cellphone agud may magamit sa iya pagtuon base sa pag-validate sang Aksyon Radyo team.

Ang Aksyon sa Edukasyon, programa sang Aksyon Radyo Iloilo nga nagatuyo maghatag sang cellphone sa mga estudyante nga nagpadala sang ila mga istorya may kaangtanan sa ila pagkinahanglan sang cellphone sa pag-ekswela.

YARI ANG ISTORYA NGA GINPADALA NI LOVELY NGA TAGA-GUIMARAS

“Good day ma’am/sir. I’m Lovely Vanessa from Nueva Valencia, Guimaras pero are ko subong sa San Miguel, Iloilo gapangamuhan sa sulod balay. I’m a gr. 12 student sa guimaras but I decided to work here tungod sa kapigaduhon sang kabuhi namon sa guimaras. Ako nalang mismo gahimakas para sa pag eskwela ko kay separated na ang parents ko kag may pangabuhi na sila sang ila. Halin sang una saylo² ko sang school kay wala ko permanent nga ilistaran, gaubra para lang maka eskwela. Nagdako ko nga independent kag very proud gid ko sa self ko kay nakaya ko kag kayanon ko.Sa subong ga start na ang amon klase kag tungod are kudi sa iloilo, need ko gid mag online class para maka come up sa study ko. Ang akon nga modules naka access sa google drive so need gid ang cellphone kag internet connection. In my case, gaubra ko sa aga, gabantay sang tatlo ka bata kag pag abot sa gab’e gapulaw himo sang activities just to pass it on time pero ndi gid malikawan kis’a nga malate. I have 9 subjects and kada subjects may activities kada semana. Ndi pako kasupot para sa cellphone nga gusto ko kay bag’ohan palang kudi sa ginaubrahan ko. My body and brain saying that I want to give up already, but my heart keep saying that I can do it! Para sa future ko and my greatest goal is to prove nga kaya ko without any support from my parents. Gusto ko mangin proud sila sa akon as their daughter nga gapaninguha para mabuligan sila sa ulihi. Never ko ya nagtanom sang kaakig sa ila kun nga’a amoni nangin kabuhi ko, mas nangin strong pagid ko gane tungod sa ila. I’m taking this opportunity to have a cellphone for my online class, para mapadasig kag mangin tawhay ang pag eskwela ko. I’m just hoping nga isa man ako sa matagaan sang early christmas gift from Aksyon Radyo. I promise to use it sa kamayuhan kag halungan ko gid ang ihatag sa akon. I’m also planning nga mag online selling para may pang load ko. Pasalamatan ko gid nha sang madamo sa bug’os ko nga kabuhi. Desidido gid ko makatapos sang pag eskwela kay lapit nalang maka graduate nako sa highschool and then makapangita nako sang mayu nga ubra.I know ndi lang ko asta sa sulod balay, damo gahulat sakon nga opportunities out there. Bskan ndi ko alam, kun mapisan lang ko layu gid ang madab’utan ko sa ulihi kag very confident koda. Umpisa sang natubuan ko sang buot, ang handom ko gid is mangin isa ka manunudlo. Ang mga teachers ko ang motivation ko kay gusto ko nga pareho sa ila, makabulig man ko sa mga kabataan in the future para malab’ot man nila ang ila handom. Gapati gid ko nga without teachers, there’s no profession! Kag himuon ko gid ang tanan para mangin Licensed Professional Teacher someday biskan ano pa kabudlay sang pangabuhi namon dab’uton ko gid ang handom ko. Wala may makapugong sa akon! Just in case nga makabaton ko sang early christmas gift, I promise nga mabulig man ko sa iban nga co-students ko sa paagi nga makaya ko para mabalik sa iban ang blessings nga nabaton ko. Tane damo pa kamo mabuligan pareho sa akon, more power Aksyon Radyo! That’s all Thankyou and God bless us all!”

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply