By: Aine Grace Bravo, Aksyon Radyo Iloilo

ILOILO CITY, October 22, 2020 — Nadugangan ang mga naka-recover sa COVID-19 sa Western Visayas.

Base sa Case Bulletin No. 209 sang Department of Health (DOH) 6, 293 ka new recoveries ang na-record. Nagdala ini sang total recoveries sa 11,927.

Gin-report man sang DOH 6 ang 163 ka bag-o nga kaso.

Bangud sini, nagalab-ut na sa 15,205 ang total cases sang COVID-19 sa rehiyon. 2,919 na lang ang active cases sa amo nga numero.

May pinakamadamo nga new cases ang Iloilo City – 70; Negros Occidental – 38; Iloilo Province – 26; Bacolod City – 24 kag Aklan – 5.

Tatlo naman ang nadugang nga napatay, nga nagdala sang total deaths sa 359. | via DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.