DOH, nag-report sang 843 new recoveries sa COVID-19 sa Pilipinas; Iloilo City, nagapang-apat sa may pinakamadamo nga new cases

By: Aine Grace Bravo/Angel Mae Ciudad, Aksyon Radyo Iloilo

METRO MANILA, October 22, 2020 — Nagpang-apat ang Iloilo City nga may pinakamadamo nga new cases sa COVID-19 sa Pilipinas, base sa data nga ginpagwa sang DOH subong nga adlaw, Oktubre 22.

1,664 ang new cases nga gin-report rason nga nagdala sang total cases sa pungsod sa 363,888.

Ang mga lugar nga may pinakamadamo nga bag-o nga kaso amo ang Cavite nga may 81; City of Malabon – 76; Davao City- 76; Iloilo City – 75; kag Quezon City – 69.

Gin-anunsyar sang DOH nga 843 naman ang new recoveries, rasun nga naglab-ut na sa 312,333 ang naka-recover sa COVID-19.

Samtang, gin-report man sang DOH ang 38 ka nadugang sa mga napatay. Nagdala ini sang total deaths sa 6,783.
Sa masobra 360,000 cases sa pungsod, 44,772 na lang ang active cases. | via DOH