AKSYON SA EDUKASYON CELLPHONE RECEPIENT | Grade 5 pupil sa Ticud, La Paz ginatipon ang P20 halin sa pagbaligya sang fish ball kag ice candy agud makabakal sang cellphone
By: JoMaque | Oktubre 23, 2020
Iloilo City — Nagabulig sa pagbaligya sang fish ball kag ice candy si Julia May sang Barangay Ticud, La Paz.
Ang 20 pesos nga ginasuhol sa iya ang ginatipon niya agud makabakal siya sang cellphone para sa iya pag-eskwela.
Si Julia, isa sa mga deserving nga estudyante nga makabaton sang cellphone agud may magamit sa iya pagtuon base sa pag-validate sang Aksyon Radyo team.
Ang Aksyon sa Edukasyon, programa sang Aksyon Radyo Iloilo nga nagatuyo maghatag sang cellphone sa mga estudyante nga nagpadala sang ila mga istorya may kaangtanan sa ila pagkinahanglan sang cellphone sa pag-ekswela.
YARI ANG ISTORYA NGA GINPADALA SANG UTOD NI JULIA SA AKSYON RADYO:
“Dear, Aksyon Radio,Tawga Lang ako sa hayo nga Laik. Gusto ko man ipasakop ang istorya sang akon manghod nga si Julia, Grade VI. Naga bulig sya baligya sang fish ball kag ice candy kag ginasuhulan lang sya sang 20 pesos kag gina supot ya ini kay gusto ya gid maka bakal sang cellphone para may gamiton mn sya sa iya pag tuon.Isa sya ka scholar sang GBP (Global business power) halin grade 1 asta subong.Naluoy ako sa iya kay daw na budlayan sya sang blending modes kag na kita ko man nga ga tinguha gid sya sa iya pag tuon nga indi siya ma taktak sa iya nga scholar.Isa man kami ka 4ps beneficiary kag lima kami ka mag utod gin pa dala ko ini ang iya istorya kay basi ma aksyonan mn ang iya problima.Tani isa mn sya sa mapilian nyo sa Aksyon sa EdukasyonJulia May Geguera sang Brgy Ticud lapaz I.C”Si Julia May Geguera ang ang gin-anunsyo nga cellphone recipient sa Aksyon Reports Morning Edition sang Oktubre 21. | via Aksyon Jeremae Ventar