Si Irika, isa sa mga deserving nga estudyante nga makabaton sang cellphone agud may magamit sa iya pagtuon base sa pag-validate sang Aksyon Radyo team.Ang Aksyon sa Edukasyon, programa sang Aksyon Radyo Iloilo nga nagatuyo maghatag sang cellphone sa mga estudyante nga nagpadala sang ila mga istorya may kaangtanan sa ila pagkinahanglan sang cellphone sa pag-ekswela.

ISTORYA NGA GINPADALA NI IRIKA MENDOZA SANG SINIKWAY, LAPUZ:

“Maayong aga, sir/ma’am. Ako gali si Irika Mendoza. Isa ka studyante sang ISAT-U sa kurso nga BS Mathematics 1-A. Ika duwa sa anom(6) ka mag ululutod. Wala gd kmi sang android phone nga ginagamit sa online class bangud naguba nagid ang gindisponeran namon nga cellphone nga ginhatag sa amon. Wala gd sang ikasarang ang akon amay nga makabakal sang bag’o kay bangud wala man siya sang ubra sa sbung bangud ginpahalin bilang isa ka driver sang jeep sang iya amo. Gani wala gd kami kwarta para ibakal. Naga ubra sa Jollibee ang akon magulang apang indi man makasarang ang iya sweldo nga makabakal kay bangud kulang pa sa amon bugas ang iya sweldo. Kag wala man sang ubra ang akon iloy bangud may bata pa sya nga gamay. Nagakadto pa kami sa computeran para lang maka attend sang klase, labi na ako kay halos tanan ko nga klase online gd. Kag tanan ko nga ulobrahon ginakinahanglan man ang computer ukon cellphone para maubra.Apat kami nga ga skwela gani tuman gd kadako sang gasto kung adlaw-adlaw nga nagakadto sa computeran. tani isa man kami sa mapilian, bangud luyag gd namon, labi na gid ako nga makatapos sang pag skwela. Para amon man mabuligan ang amon mga ginikinan. Tam’an gd ka pigado sa amon kag naga renta lamang kami sa balay kag subra na isa ka tu-ig nga wala pa kabayad. Tani inyu mabasahan kag kami inyu mabuligan. Madamo gd nga salamat.”Si Irika ang gin-anunsyo nga recipient sang cellphone sa Aksyon Night Patrol, Oktubre 22.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

One thought on “AKSYON SA EDUKASYON CELLPHONE RECIPIENT | 1st Year College Student sa ISAT-U nga adlaw-adlaw naga-Pisonet, indi na magproblema sang igasto sa computeran bangud nakabaton na sang cellphone”
  1. Good morning/evening sir,
    Masakit man panumdumon nga ga eswela ka nga wala unod nga kalan-on ang imo tyan tungod sa kapigaduhon.Ako gali si Elijah Marie Catamin ika duha sa pito ka mag ululotod.Naga istar ako kag ang akon pamilya sa Brgy. Tulatula-an Dingle,Iloilo kag naga eskwela ako sa San Enrique National Comprehensive High School kag isa ako ka grade 11 ABM student isa man gali ako ka consistent honored student.Kung wala ubra ang amon ginikanan sa taramnan ukon kampo indi kami kaka-on tatlo ka beses sa isa ka adlaw.Para mabuol ang amon kagutom naga tanok nalang kami sang bunga sang saging para kaunon.Wala gid kami ikasarang nga magbakal sang selpon nga kinaghalanon sa pag research sang amon leksiyon sa modular class.Kung ibakal namon sang bag-o nga selpon ang sweldo sang amon ginikanan,basi indi na kami kakaon .Saparon nalang namon ang pagbakal sang bugas kag sud-an para indi kami magutom.Wala gani kami sang inogpakay-o sang amon balay nga nagatilinulo kung tig-ululan,selpon pa ayhan?Nagalaum gid ako nga ako inyo mabuligan.Madamo nga salamat gid.

Leave a Reply