COVID-19 cases sa Western Visayas, nagalab-ut na sa 16,337
By: Aine Grace Bravo/Nemesio Martirez, Aksyon Radyo Iloilo
ILOILO CITY, October 28, 2020 — Gin-report sang Department of Health 6 ang 157 ka bag-o nga kaso sang COVID-19 sa Western Visayas subong nga adlaw, Oktubre 28.
Base sa Case Bulletin No. 215 sang DOH 6, na-record ang pinakamadamo nga new cases sa Negros Occidental nga may 93, ginsundan sang Iloilo City nga may 25; Iloilo Province -21, Bacolod City -11; kag Capiz nga may anum.
Gin-anunsyar man sang DOH 6 ang 123 ka bag-o nga naka-recover, samtang walo ang nadugang sa napatay.
Sa kabug-usan, nagalab-ut na sa 16,337 ang kaso sang COVID-19 sa Western Visayas –3,085 na lang diri ang active cases; 12,869 na ang naka-recover kag 383 ang total deaths. |via DOH 6