By: JoMaque | Oktubre 28, 2020

ILOILO – – Patay na sang nasapwan ang mangingisda nga una gin-report nga missing sa Bantigue Islet, Brgy. Gabi sa Gigantes Island, Carles.

Ginkumpirmar ni Police Captain Francis Fortunado, hepe sang Carles Police Station nga nasapwan ang bangkay ni Ernie Tayo sang Lantangan, Carles kahapon sang aga, Oktubre 27 sa area kun diin man siya nadula.

Una na ginpahayag ni Petty Officer 1st Class Salvador Bacea, commander sang Philippine Coast Guard Carles SubStation, nga las-4 sang Oktubre 25 sang nagpangisda kanday Tayo, Renato Eden, kag Ralfy Aguirre bisan malain ang tiyempo.

Nag-dive si Tayo kag wala na nakabutwa. Ginpangita siya sang PCG personnel kag mga kaupdanan tubtob nasapwan ang iya bangkay kahapon. | via Kikik Enar

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply