Amay sang pamilya nga suspek sa pagpangwasay kag pagpangbuno sa 2 job hires sa Estancia, Iloilo, nag-ako nga siya ang nagpangamot sa krimen pero ginpanginwala nga may kahilabtanan ang iya 2 bata kag asawa

By: JoMaque | Oktubre 29, 2020

(UPDATE) Gin-ako ni Nelson Torrico 60-anyos nga siya ang nagwasay kag nagbuno kay Jeffrey Corvera pero ginpanginwala niya nga may kahilabtanan sa krimen ang duha niya ka kabataan nga sanday Nel John 30-anyos, kag Niel 25-anyos pati man ang ang iya asawa nga si Jocelyn.

Suno kay Nelson, na-impito siya sa mga patu-pato ni Jeffrey sa ila pamilya sa kada may madula sila nga gamit.

Gin-ako niya nga may dala na siya nga wasay kag kutsilyo sang nagkadto siya sa balay nanday Jeffrey upod sa iya bata nga si Nelson Jr. sang gab-i nga natabo ang krimen.

Ginkompronta niya si Jeffrey apang nagpalangdulom suno sa iya ang iya panulukan sang nagbaisay na sila rason nga nawasay niya ang biktima.

Ginpahayag niya nga duha lang sila ni Nelson Jr. ang nagpangamot sa krimen bangud wala sa lugar ang iya duha pa ka kabataan nga gin-akusahan man sang krimen.

Natingala man siya kun paano nadalahig ang iya asawa nga nagpalagyo sang natabo ang ginamo.

Natalana nga pasakaan sang kaso ang mga suspetsado subong nga adlaw. | via AM Reports

BACKGROUND: https://www.facebook.com/1460030447624568/posts/2651873618440239/