90% sang mga na-infect sang COVID-19 sa Iloilo City, naka-recover na

By: Aine Grace Bravo, Aksyon Radyo Iloilo

ILOILO CITY, October 30, 2020 — 90 porsyento sang mga na-infect sang COVID-19 sa siyudad sang Iloilo ang naka-recover na.

Base sa data halin sa City Health Office-City Epidemiology and Surveillance unit tubtob las-12 kahapon sang udto, Oktubre 29, nagalab-ut sa 3,783 ang total cases sang COVID-19 sa siyudad, anum diri ang new cases.

Pero, 3,382 na ang naka-recover. 84 naman ang total deaths, ukon halos 2% sang total cases.

Suno kay Mayor Jerry Treñas, padayon siya nga magapangita sang mga paagi agud ma-flatten ang curve sang COVID-19.

Nagapasalamat man siya bangud sa kooperasyon sang mga Ilonggo agud mangin madinalag-on ang away kontra COVID-19. | via Mayor JPT FB page