By: JoMaque | Nobyembre 1, 2020
Iloilo — Nakahanda ang Office of the Civil Defense ukon OCD 6 sa mangin epekto ni Bagyo Rolly sa Rehiyon 6.
Ini ang ginpasiguro ni OCD 6 Director Jose Roberto Nuñez.
Suno kay Nuñez, na-activate na ang blue alert status sang mg LGUs agud mag-monitor sang ila tagsa ka mga sitwasyon.
Hugot nga ginabantayan suno kay Nuñez ang mga lugar nga masami ginaluntaran sang landslide.
Tubtob kagab-i, wala pa sang report nga nabaton ang OCD6 nga may ginpang-evacute nga mga residente bangud sang bagyo Rolly.
Ginpahayag man Nuñez nga may nagakaigo nga mga evacuation centers sa rehiyon.