By: JoMaque | Nobyembre 1, 2020

Iloilo City — Ginkumpirmar ni MARINA 6 Director Jose Venancio Vero nga indi madayon ang pagbalik byahe sang SuperCat halin Iloilo City pa-Bacolod City kag vice versa nga masugod kuntani subong nga adlaw, Nobyembre 1.

Suno kay Vero, wala gilayon nakabalik ang mga crew sang SuperCat nga halin pa sa Cebu bangud kulang ang ila dokumento.

Pero posible nga makabalik sila byahe sa Miyerkules, Nobyembre 4.//Bangud sini, ang Weesam Express kag Ocean Jet lang anay ang magapadayon sa pagbyahe nga nag-umpisa kahapon, Oktubre 31.

Ginpabutiyag man ni Vero nga diutay ang numero sang mga pasahero nga nagsakay sa una nga adlaw sa pagbalik byahe sang nasambit nga fastcrafts.

Wala suno sa iya nalab-ut ang 50 percent nga seating capacity. Pero nahangpan ini sang mga shipping lines bangud bag-o pa lang nagbalik ang byahe, dugang pa ni Vero.

Istrikto naman nga ginapatuman ang “no face mask, no face shield, no boarding,” pag-obserbar sang physical distancing, dapat wala sang pagkaon kag ginadumilian ang pagtawag sa cellphone samtang nagasakay.

Samtang, ginpabutiyag naman ni Vero nga wala pa sang request ang mga shipping lines sang increase sa pamasahe.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply