COVID-19 cases sa Pilipinas, naglapaw na sa 385,000
By: Aine Grace Bravo, Aksyon Radyo Iloilo
METRO MANILA, November 2, 2020 — Masobra na 385,000 ang kaso sang COVID-19 sa Pilipinas sang nadugang ang 2,298 ka bag-o nga kaso subong nga adlaw, Nobyembre 2.
Gin-report man sang Department of Health ang 87 new recoveries kag 32 new deaths sa COVID-19.
Nagpanguna sa may pinakamadamo nga bag-o nga kaso ang Benguet nga may 188; Davao City – 166; Rizal—119; Quezon City – 116; kag Bulacan nga may 91 new cases.
Sa kabug-usan ang Pilipinas may 385,400 na kaso lakip ang 29,301 active cases, 348,830 total recoveries kag 7,269 ka total deaths sa COVID-19. | Via DOH