By: JoMaque | Nobyembre 3, 2020

Iloilo– Patay na sang nasapwan kag may igo sang pagkatiro ang mangunguma sa Brgy. Abaca, San Enrique, Iloilo.

Suno kay Police Major Gilbert Baldevarona, hepe sang San Enrique MPS, las-5 kaina sang kaagahon sang nakit-an sang residente ang bangkay ni Ronald Babao, 33-anyos, temporaryo nagatinir sa amo man nga barangay kag tumandok sang Passi City.

Gilayon siya nagtawag sang pulis kag ginrespondihan ang area.

May tatlo ka pilas sang pagkatiro ang lalaki –isa ka igo malapit sa mata kag duha sa dughan.

Base sa pagpangusisa sang mga pulis, nag-inum kagab-i si Babao sa balay sang iya ama, mga 500 meters lang ang kalayuon halin sa crime scene, pero ginpapuli siya.

Mga las-8 sang gab-i, may nabatian nga lupok ang mga residente pero wala na nila gin-check bangud naga-ulan.

Nasapwan na lang kaina sang aga nga patay ang lalaki sa katubuhan.

Daan nga hiligut-anon ang isa sa mga ginatan-aw motibo sa pagpatay sa biktima, pero padayon ini nga gina-imbestigaran sang San Enrique, lakip na ang identity sang suspek.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply