‘Minimal lang’– OCD 6 sa epekto sang Bagyo Rolly sa Western Visayas

By: JoMaque | Nobyembre 3, 2020

ILOILO — Gamay lang gid ang impact sang bagyo #Rolly sa Western Visayas, base sa report sang Office of the Civil Defense 6.

Suno kay OCD 6 spokesperson kag Western Visayas Disaster Risk Reduction Management Division Chief Ma. Aletha Nogra, 68 ka mga barangays ang naapektuhan kag nagpatuman sang preemptive evacuation sa mga pumuluyo bilang pagpangaman sa bagyo.

Sa amo nga numero, 41 ang halin sa Aklan, 22 sa Antique kag lima sa Capiz.

Ginabug-usan ini suno kay Nogra sang 1,827 ka pamilya ukon 7,212 ka indibidwal nga nag-tiner sa 94 ka mga evacuation centers.

May gin-report man nga pagbaha sa Sigma, Capiz pero sa humayan lang.

Wala naman sang nahalitan nga mga imprastruktura sa rehiyon.