Super Typhoon Rolly, wala nabatyagan sa pila ka mga probinsya sa Western Visayas

By: JoMaque | Nobyembre 2, 2020

Wala nabatyagan ang paglaslas sang Super Typhoon Rolly sa pila ka mga probinsya sa Western Visayas nga may tropical cyclone wind signals kahapon, Nobyembre 1.        

May mga pag-ulan nga na-record sa northern portion sa Antique kag northwestern portion sang Aklan pero indi ini mamunog kumparar sa na-record nga pag-ulan nga dala sang Bagyo Quinta.

Gin-cancel sang Philippine Coast Guard-Aklan ang biyahe sang mga motorbanca sa Caticlan Jetty Port subong man ang biyahe sang mga barko pakadto sa Batangas, Mindoro kag Romblon.   

Naka-eksperyensya man sang magal-umon kag malaka nga pagpanalithi sa northern portion sang Iloilo nga una ginpaidalum sa Signal Number 1 ilabe na ang Lemery, Sara, Concepcion, San Dionisio, Batad, Estancia, Balasan kag Carles. 

Pila ka mga sakayan pandagat sa Estancia sa fishing port ang wala man ginpahanugutan nga makabiyahe bangud sa magal-umon nga tyempo bisan makanay ang kadagatan kahapon.    

Naka-alerto man ang MDRRMO, mga police kag mga opisyal sang local government unit sang Concepcion, Iloilo para sa posible paglain sang tyempo. 

Una na ginpahibalo sang Office of Civil Defense 6 nga naka-blue alert status ang mga local government units bilang pagpanghanda sa bagyo.