By: Aine Grace Bravo/Ariel Solacito, Aksyon Radyo Iloilo

ILOILO CITY, November 3, 2020 – Masobra na 17,000 ang kaso sang COVID-19 sa Western Visayas sang nadugang ang 184 new cases subong nga adlaw, Nobyembre 3.

Sa bag-o nga kaso, 71 halin sa Negros Occidental, 46 sa probinsiya sang Iloilo, 25 sa Bacolod City, 21 sa Iloilo City, 17 sa Capiz, tatlo (3) sa Guimaras, kag isa (1) sa Aklan.

Sa 184 new cases, 176 gid ang local cases ukon wala sang travel history sa guwa sang rehiyon, apat ang locally stranded individuals (LSIs), kag tag-duha ang returning overseas Filipinos (ROFs) kag Authorized Persons Outside Residence (APOR).

Gin-report man sang Department of Health 6, ang 160 new recoveries kag 15 new deaths bangud sa COVID-19.

Sa bag-o nga nag-ayo, 69 halin sa Negros Occidental, 45 sa Bacolod City, 23 sa Capiz, 15 sa Iloilo province, kag 8 sa Aklan.

Samtang sa 15 ka bag-o nga nagkalamatay, pito naghalin sa Bacolod City, tatlo sa Negros Occidental, tag-duha sa Iloilo province kag Iloilo City, kag isa sa Aklan.

Sa kabug-usan ang Western Visayas, may 17,173 na ka kaso lakip ang 3,052 ka active cases, 13,716 total recoveries kag 405 total deaths bangud sa COVID-19. | Via DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.