By: JoMaque | Nobyembre 4, 2020

ILOILO CITY — Ginkumpirmar ni Dr. Stephanie Abello, chief pathologist sa Western Visayas Medical Center Sub-National Laboratory (WVMC-SNL) nga wala na sila sang backlogs sa resulta sang RT PCR test.

Suno kay Abello, pagkaligad sang 15 ka adlaw, ‘real-time’ na ang pagpaguwa sang resulta sang RT PCT test magluwas lang sa mga problematic ukon invalid results.

Sa normal operation suno sa iya sang WVMC-SNL, 1,200 ka specimen ang ila masarangan nga ma-test kada adlaw kag makapaguwa sang resulta halin 24 tubtob 48 oras.

Wala sang problema naman suno kay Abello kun mag-repeat testing ang Iloilo City pero indi lang maglapaw sa 300 ka specimen kada adlaw.

Masarangan pa nila suno sa iya tubtob 1,500 specimen nga ma-test kada adlaw pero kun mag-sobra na, posible nga maatrasar ang pagpaguwa sang resulta.

Una na gin-require ni Iloilo City Mayor Jerry Treñas ang repeat test sa mga COVID-19 positive. | Via PM Reports

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply