By: JoMaque | Nobyembre 6, 2020

Anilao, Iloilo–Dakup sa entrapment operation ang 46-anyos nga lalaki nga ginreklamo sang iya nakarelasyon sa Facebook nga nagpahug kag nagpamilit nga makig-sex sa iya.

Suno kay Police Lieutenant Glenn Portunes, hepe sang Anilao Police Station, nagpadulong sa police station si Che-Che, 19-anyos upod ang iya abogado kag ginreklamo ang iya nakarelasyon sa Facebook nga si alyas Tongtong sang Oton.

Suno kay Che-Che, ginpahog siya sang lalaki nga patyon kag i-post sa social media ang iya hublas nga litrato kun indi magpasugot nga makighilawas sa iya rason nga ginplanuhan ang entrapment operation.

Nagpasugot si Che-Che nga makigkita kay Tongtong kahapon sang aga Nobyembre 5.

Ginsugat ni Tongtong sang iya awto ang dalaga sa Ceres Terminal kag nagdiretso sila sa lodging house sa La Paz sa diin gindakup sang nagasunod nga mga pulis ang lalaki.

Suno kay Lieutenant Portunes, gin-ako ni Che-Che nga naka-video call sila ni Tongtong nga nagahublas, pero wala siya nagdumdom nga kuhaan ini sang litrato sang lalaki. | via Firingline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply