Active cases sang COVID-19 sa Western Visayas, nagnubo

By: Aine Grace Bravo/Angel Mae Ciudad, Aksyon Radyo Iloilo

ILOILO CITY, November 6, 2020 — Nagnubo sa 2,784 ang active cases sang COVID-19 sa Western Visayas base sa ginpaguwa nga report sang DOH 6 subong nga adlaw (Nobyembre 6).

Nagalab-ut na sa 17,455 ang total cases sa rehiyon 6 bangud sa 102 ka bag-o nga kaso nga na-record sang DOH 6.

Na-record ang pinakamadamo nga new cases sa Bacolod City nga may 42, Iloilo City — 16, Negros Occidental — 15, Aklan — 10, kag Iloilo Province — 10.

14,236 ang naka-recover sa COVID-19 sa Western Visayas bangud sa 133 nga nagdugang sa listahan.

Anum ang nadugang nga napatay sa COVID-19 rason nga nagsaka na sa 435 ang total deaths.| via DOH 6