By: JoMaque | Nobyembre 6, 2020

Iloilo — Pabor si Mayor Trixie Fernandez, presidente sang League of Municipalities of the Philippines Iloilo kag mayor sang San Enrique, nga buksan sa mga turista ang Iloilo Province.

Suno kay Fernandez, ginkonsulta sa ila ni Governor Arthur “Toto” Defensor ang plano sa liwat nga pagbukas sang turismo kag mga protocols nga dapat ipatuman.

Kinahanglan suno kay Fernandez nga buksan ang ekonomiya para mabuhi ang mga pumuluyo, pero dapat mapatuman sang minimum health standards agud proteksyunan ang publiko.

Ginkumpirmar man ni Fernandez nga gin-istoryahan nila sa meeting ang liwat nga pagdumili sang public gatherings sa probinsya bangud sa pagtaas naman sang numero nga mga na-infect sang COVID-19.

Ginahulat na lang ang EO ni Gov. Defensor nga ipaguwa natuhoy sa pagdumili sang public gatherings.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply