New COVID-19 cases sa Pilipinas, liwat naglapaw sa 2,000

By: Aine Grace Bravo/Angel Mae Ciudad, Aksyon Radyo Iloilo

METRO MANILA, November 6, 2020 — Liwat nagsaka sa masobra 2,000 ang new cases sang COVID-19 sa pungsod, base sa data sang Department of Health.

Sa report sang DOH subong nga adlaw (Nobyembre 6), 2,092 ka bag-o nga kaso sang COVID-19 ang nagdugang sa ila listahan.

Sa kabug-usan, nagdangat na sa 391,809 ang na-infect sang virus sa Pilipinas.

349,974 ang naka-recover sa balatian bangud sa 462 nga nagdugang.

Samtang, 52 naman nagdugang sa numero sang mga napatay sa COVID-19 rason nga naglab-ut na sa 7, 641 ang death toll sa pungsod.| via DOH