By: JoMaque | Nobyembre 9, 2020

May hiwaton nga motorcade sa Iloilo City sa homecoming ni Miss Universe Philippines 2020 Rabiya Mateo sa November 12.

Pagkatapos sang motorcade, maga-courtesy call ang beauty queen sa mga government officials kag may press conference pagka-hapon.

Sa November 13 naman, may himuon siya nga outreach program sa aga kag pagkahapon, ang ceremonial lighting sang Ilonggo Christmas Parol of Hope.

Ginahaylo naman sang Iloilo Festivals Foundation Incorporated (IFFI) ang mga Ilonggo nga magsuksok sang pula sa pag-abot ni Rabiya agud maghatag sang warm welcome sa beauty queen.

Espesyal ang homecoming ni Rabiya bangud advance birthday niya ini kaupod ang iya mga fellow Ilonggos. Ini bangud pagka-November 14, magahiwat siya sang iya ika-24 nga kaadlawan. | via IFFI

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply