COVID-19 cases sa Pilipinas, malapit na 400,000
By: Aine Grace Bravo/Ariel Solacito, Aksyon Radyo Iloilo
METRO MANILA, November 10, 2020 — Malapit na 400,000 ang kaso sang COVID-19 sa Pilipinas sang nadugang ang 1,347 ka new cases subong nga adlaw, Nobyembre 10.
Gin-report man sang Department of Health ang 187 new recoveries kag 14 new deaths.
Nagpanguna sa may pinakamadamo nga bag-o nga kaso ang Cavite nga may 92; Manila City – 77; Quezon City – 58; Baguio City – 55; kag Laguna nga may 52 new cases.
Bangud sini, yara na sa 399,749 ang kabug-usan nga kaso sa pungsod lakip ang 30,169 ka active cases, 361,919 ka total recoveries kag 7,661 ka total deaths bangud sa COVID-19. | via DOH