By: Aine Grace Bravo, Aksyon Radyo Iloilo

JANIUAY, Iloilo – Nasapwan nga duguon kag may pilas sang pagkatiro ang tricycle driver sa Brgy. Tuburan, Janiuay pasado las-tres kaina sang hapon.

Suno kay PCPT Eleazar Climacosa, hepe sang Janiuay MPS, nakit-an sang mga empleyado sang ILECO II ang biktima nga si Rene Alegoro sang Brgy. Don T. Lutero West Poblacion, Janiuay.

Nagapungko pa sa motorsiklo ang biktima samtang nagasubsob ang iya ulo sa sidecar,

Gilayon nag-report sa police ang mga nakakita gani nga naka-responder ang taga-Rural Health Unit kag mga pulis.

Gindala pa sa ospital ang biktima, pero wala natabangan.

Na-recover sa lugar sa diin nasapwan si Alegoro ang duha ka slug kag pito ka empty shells sang caliber 45.

Nagapadayon ang imbestigasyon, suno kay PCPT Climacosa, kun ngaa ginpatay ang biktima kag kun sin-o ang mga suspetsado.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.