By: JoMaque | Nobyembre 11, 2020

Iloilo City — Personal nga kwarta ni Iloilo City Mayor Jerry Treñas ang iya gingamit para sa RACI survey agud ma-check kun paano pa mapanubo ang COVID-19 cases sa syudad.

Ginpabutyag sang alkalde nga wala sang nagamit nga pondo sang syudad sa ginhimo nga survey kag pwede ini ma-verify sa City Accountant, City Treasurer kag iban pa nga opisina sang City Government.

Suno kay Treñas, nagpangayo man siya sang bulig sa UPV para maghimo sang media communications plan nga magaserbe giya sang syudad samtang nagapangita sang mga paagi nga ma-flatten ang curve sang COVID-19 cases.

Magluwas pa ini sa pagtrabaho sang syudad upod sa media group para sa media campaign strategies.

Ginpahayag sang alkalde nga indi siya mag-untat sa pagpangita sang mga paagi gamit ang science agud mahagan-hagan ang kaso sa syudad.

Nagapasalamat ang alkalde sa UPV kag iban pa nga nagabulig sa syudad nga wala  sang bayad agud masolbar ang problema sa COVID-19.

Suno kay Treñas, ang bayanihan spirit sang mga Ilonggo ang nangin rason sa pagtawag sa Iloilo nga Wakanda of the Philippines.        

Base sa RACI survey, masobra 50 porsyento sang 200 ka respondents nga naga-edad 18 tubtob 60-anyos ang wala nagapati nga madali sila matapikan sang COVID-19.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply