DPWH 6, nagpaandam sa scam nga nagagamit sang pangalan ni DPWH 6 Director Lea Delfinado agud mangolekta sang donasyon para sa mga biktima sang bagyo Ulysses

By: JoMaque | Nobyembre 25, 2020

ILOILO CITY – Ginapahalong sang DPWH 6 ang mga government agencies, mga empleyado, contractors, consultants, suppliers kag publiko.

Kasunod ini sang reports nga nakalab-ut nga may nagatawag sa mga contractors halin sa cellphone number 0963-164-3046 nga nagagamit sang pangalan ni DPWH 6 director Lea Delfinado kag nagapangayo sang donasyon para sa mga na-apektuhan sang Bagyo Ulysses.

Suno sa DPWH 6, wala sang gin-otorisar ang ila opisina agud magpangayo sang donasyon para sa mga nabagyuhan.

Ginlaygayan sang DPWH 6 ang sin-o man nga natawgan nga magpakig-angut sa DPWH Hotline Number 165-02 ukon sa DPWH 6 hotline numbers (033) 329-9000 kag (033) 329-9076