By: JoMaque | Nobyembre 25, 2020

Iloilo — Patay ang mag-live in partner nga taga-Alalasan, Lapuz, Iloilo City sang nakabunggo sa awto ang ila ginasakyan nga motorsiklo sa Sitio Taras, Barangay Natividad las 9 kagab-i.

Ginkilala ang mga napatay kanday Lysander Leslie Lapidez 50 anyos nga may pilas sa ulo kag bali ang tiil, kag Lea Pormacion 31 anyos nga may pilas naman sa lawas matapos nagtabog sa ila ginasakyan nga motorsiklo.

Suno kay Police Staff Sergeant Joey Buyco sang Barotac Viejo police station, naga-angkasanay ang duha padulong sa Iloilo City sang nasugata sa kurbada nga bahin sang highway awto nga ginamaneho ni Felix John Penticase 27 anyos sang Mostro, Anilao, Iloilo.

Padulong naman sa banwa sang Barotac Viejo ang awto sang natabo ang aksidente.

Kaupod ni Penticase sa awto si Eugenio Bani-bani 70 anyos nga lunsay nagapanimaho sang makahulubog nga ilimnon.

Detained na sa Barotac Viejo Police Station ang duha. Ginatinguhaan pa sang Aksyon Radyo nga makuhaan sang pahayag ang driver sang awto. | via Aksyon Kikik Enar

Leave a Reply