COVID-19 cases sa Western Visayas, masobra na 19,200

By: Aine Grace Bravo | November 25, 2020

ILOILO CITY – Masobra na 19,200 ang kaso sang COVID-19 sa Western Visayas.

86 ka bag-o nga kaso ang nagdugang subong nga adlaw, Nobyembre 25.

Gin-report man sang DOH 6 ang 36 ka bag-o nga recoveries kag siyam ka bag-o nga napatay.

Nagpanguna sa may pinakamadamo nga bag-o nga kaso ang Negros Occidental nga may 39; nagasunod ang Capiz nga may 25; Bacolod City nga may 13; Iloilo City nga may anum; kag Iloilo Province nga may 3 ka new cases.

Sa kabug-usan ang Western Visayas may 19,262 ka kaso lakip ang 1,847 ka active cases, 16,872 ka total recoveries kag 543 total deaths bangud sa COVID-19. | via DOH 6