By: Aine Grace Bravo | November 25, 2020

ILOILO CITY – Ipaidalum sa RT-PCR test ang mga returning overseas Filipinos (ROFs) kag locally stranded individuals (LSIs) sa ila pag-abot sa siyudad sa Disyembre 2020.

Sakup man diri ang mga authorized persons outside of residence (APORs).

Suno kay Mayor Jerry Treñas, ginalauman nga madamo ang maabot sa siyudad para sa holiday season kag mas maayo nga ma-test sila agud mahibaluan kun negative ukon positive sa COVID-19.

May molecular laboratory naman ang siyudad, suno sa alkalde, gani mas madasig ang pag-release sang resulta.

Gin-athag naman ni Mayor Treñas nga LIBRE  ang pagpa-test sa mga LSIs, ROFs kag APORs.

Halin sa airport ukon port, i-diretso ang maabot nga LSIs, ROFs kag APORs sa Jubilee Hall agud ma-swab.

Ginpabutyag sang alkalde nga may choice ang mga ROFs kag LSIs kun luyag nila mag-home quarantine ukon magtenir sa facility quarantine sang siyudad samtang nagahulat sang resulta sang test. | via FIRINGLINE/HOTLINE