ILOILO CITY — Nakasulod ang Central Philippine University sa Iloilo City sa Quacquarelli Symonds ukon QS World University Rankings: Asia 2021.

Pito ka bag-o nga higher education institutions sa Pilipinas ang nakasulod sa listahan, kag naga-isahanon ang CPU nga naghalin sa Western Visayas.

Gin-post ni Commission on Higher Education Chairman Prospero De Vera ang balita sa Facebook page sang CHED.

Ang pito ka bag-o nga HEIs nga nalakip sa QS World University Rankings: Asia 2021 amo ang Ateneo De Davao University;  Mindanao State University-Iligan Institute of Technology; Adamson University; Central Luzon State University; Central Mindanao University; Central Philippine University kag Xavier University. | via El John Mejia