Guimbal, Iloilo—Nagpositibo sa COVID-19 ang tricycle driver lakip na ang tatlo ka miembro sang iya pamilya kag senior citizen nga kasilingan sa Guimbal, Iloilo.

Suno kay Municipal Health Officer Dr. Jay Dorin, nagpositibo ang 51-anyos nga driver sa ginhimo nga pooled testing sa masobra isa ka gatos ka mga tricycle drivers sa Guimbal sang nagligad nga semana.

Bangud sa pagpositibo sang driver, gilayon naghimo ang MHO sang contact tracing kag ginpa-swab ang pito ka close contacts sang driver.

Naguwa na ang resulta sang test kag nagpositibo man sa COVID-19 ang 49-anyos nga asawa sang driver, ang ila 22-anyos nga bata nga lalaki, ang 22-anyos nga live-in partner sang ila bata kag ang 70-anyos nga lalaki nga ila kasilingan.

Samtang, nag-negatibo naman sa virus ang isa pa ka bata sang driver.

Naka-quaratine na ang isolation facility sang Guimbal ang mga nagpositibo.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply