Mga nagparehistro online para sa 2022 elections, dapat gihapon magpadulong sa Comelec office
ILOILO CITY — Kinahanglan gihapon nga magkadto sa COMELEC office ang mga nagpa-rehistro online para sa 2022 elections.
Pahayag ini ni Election Assistant II Jonathan Sayno sang Commission on Elections (COMELEC) Iloilo City samtang nagapadayon ang voters registration.
Suno kay Sayno, dapat magkadto sa opisina sang COMELEC ang nagpa-rehistro online agud makuhaan sang biometrics data para makaboto sa eleksyon.
Ginpanugyan niya nga magdala lang sang birth certificate ukon valid ID.
Bukas ang opisina sang City COMELEC halin las-otso sa aga tubtob las-singko sa hapon, halin Lunes tubtob Sabado. | via Aksyon Night Patrol