ILOILO CITY – Kumporme ang Iloilo City COVID-19 team nga magapabilin sa General Community Quarantine (GCQ) ang siyudad halin sa Disyembre 1 tubtob matapos ang tuig.

Suno kay Iloilo City Mayor Jerry Treñas, ginpahibalo siya sang Department of the Interior and Local Government (DILG) nga igapabilin ang GCQ status sang siyudad rason nga gilayon niya ginkonsulta ang COVID-19 team.

Nahisugtan nga indi na ini pag-iapelar sang siyudad bangud maayo suno sa iya ang lakat sang sitwasyon kun naka-GCQ.

Ginpahayag pa ni Treñas nga ginapasugtan ang madamo nga economic activities pero padayunon ang protocols sa idalom sang GCQ kag sundon man ang rules and regulations sang Department of Trade and Industry (DTI) may kaangtanan diri.

Sa subong, ginabantayan kag ginahandaan sang siyudad ang pagpauli sang mga Locally Stranded Individuals (LSIs) kag Returning Overseas Filipinos (ROFs) sa siyudad.

I-require sila sa libre nga RT-PCR test agud masiguro nga hilway sila sa COVID-19.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply