ILOILO — Pilason ang mag-amay matapos ginpanglabu sang mag-amay man sa Brgy. Tapi-an, Batad las 10:40 kagab-i, Nobyembre 27.

Ginkilala ang mag-amay nga biktima kanday Francisco Legaspi, 61,may pilas sa likod kag lawas; kag bata niya nga si Jeffrey Legaspi, 27, may pilas naman sa wala nga kamot kag Gino Legaspi, 31, nga napilasan sa ulo kag liug.

Confined sa ospital si Francisco kag Gino samtang out patient naman si Jeffrey.

Ginkilala naman ni Police Staff Sergeant Wary John Suerte, imbestigador sang Batad Police Station ang mga suspek kanday Jimmy Andeo, 51; Jimmy Andeo Jr., 26; Joefrey Andeo, 27 nga may pilas sa kamot; kag 17-anyos nga menor-de-edad.

Base sa imbestigasyon sang Batad Police, naga-inum-inom ang 17-anyos nga menor-de-edad kaupod ang iya mga abyan sa tabuk sang balay sang mga biktima sang ginsaway siya sang mag-utod bangud magahod kag curfew na.

Gilayon nga nagpauli ang menor-de-edad kag naghambal nga mabalik siya.Makaligad ang pila ka minutos, upod na niya nga nagbalik ang iya amay kag duha ka magulang nga may dala nga binangon.

Wala na nakalab-ut sa ila nga balay sa bukid ang menor-de-edad bangud nasugata niya sa dalan ang iya amay kag mga magulang nga masugat man kuntani sa iya.

Posible nga nagpanugid ang menor-de-edad sa iya amay rason nga ginsulong ang mag-amay nga mga biktima.

Ginlabo sang amay nga suspek si Francisco nga ginsuguran naman sang kinagamo.

Na-recover sang mga pulis ang duha ka binangon sa area.

Preso naman ang mga suspek sa Batad Police Station samtang ginturn-over sa DSWD ang menor-de-edad. | via Farrah Mae Morano

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply