2 patay sang nabungguan sang 10-wheeler truck ang ila ginasakyan nga motorsiklo

POTOTAN, ILOILO — Patay ang duha ka mga sakay sang motorsiklo sang nabunguan sang 10 wheeler truck sa barangay Dawis, las 10 subong nga gab-i.

Ginkilala ang mga napatay kanday Noime Baretto II, 23-anyos sang Brgy. Poblacion kag CJ Mabuyao Palec, 23-anyos sang Brgy. Santiago, Barotac Viejo, Iloilo.

Suno kay Police Staff Sergeant Raffy Gonzales sang Pototan Police Station, madasig ang pagpadalagan sang motorsiklo nga hinali lang nagtabok sa intersection kabangdanan nga wala gilayon natalupangdan sang driver sang truck.

Nagtabog ang duha kag nagseparar pa ang pangunahan nga ruweda sang ila ginasakyan nga motorsiklo bangud sang impact.

Gin-aresto naman ang driver sang truck nga ginkilala kay Melvin Buenacasa, 41-anyos sang San Enrique, Iloilo.