By: Aine Grace Bravo | December 2, 2020

CAMP DELGADO, Iloilo City — Nag-abot na sa Western Visayas si PBGEN Rolando Miranda, ang bag-o nga director sang Police Regional Office 6 tal-us ka PBGEN Rene Pamuspusan.

Ginhiwat ang Turn-Over of Command Ceremony sa Camp Martin Teofilo B. Delgado sa syudad sang Iloilo kaina sang hapon, Disyembre 2.

Nangin bisita sa kahiwatan si PLTGEN Cesar Hawthorne Binag, Deputy Chief PNP for Operations, nga nangin director man sang PRO 6.

Sa iya speech, ginplastar ni PBGEN Miranda ang iya mga prayoridad pareho sang:

*Padayon nga kampanya kontra sa illegal drugs

*Regular drug testing sa mga personnel

*Pagpadayon sang mga programa sang PNP

*No take policy sa tanan nga klase sang illegal gambling

*Pagpabaskog sang kampanya batok sa mga kriminal

*Kampanya kontra local communism

*Internal cleansing

Gin-inagurahan naman ang bag-o nakumpleto nga Online Communications Imaging and Monitoring System (OLCIMS) Office kag Document Warehouse.

Samtang, may blessing sa lima (5) ka Toyota Hi-Lux patrol nga iga-isyu sa lima ka police stations sa rehiyon kag 200 ka Galil Ace 22N (Bar) nga mga pusil nga i-isyu sa mga mobile force battalions kag pila ka police stations. | via Aljohn Torreta