IlOILO CITY—Napuhag ang mga residente sang Brgy. Progreso, Lapuz sang gin-hostage sang lalaki nga may deperensya sa paminsaron ang iya iloy nga senior citizen mga las 8 kagab-i, Disyembre 2.

Masobra 40 minutos ang pagnegosyar sang kapulisan sa lalaki para lang nga buy-an niya ang iya nga iloy.

Nagtawag pa sang SWAT ang mga pulis bangud nabudlayan sila nga ma-penetrate ang nahamtangan sang lalaki samtang ginabaklid niya ang iya iloy kag nagapamahog pa nga lampusan sang bato sa ulo.

Suno kay Major Edfil Balibadlan, hepe sang La Paz Police Station, nakakita sila sang kahigayunan nga ma-subdue ang lalaki sang nagpangayo siya sang tubig.

Nalampusan gid sang lalaki sang bato ang iya iloy apang nagpamalibad na siya nga magpabulong sa ospital.Gindala naman ang lalaki sa Mentally Ill Center sa compound sang Iloilo City Police Office.| via Aksyon Dave Bucayan

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply