ILOILO CITY — Plano sang Iloilo City COVID-19 team nga limitahan ang hulag sang mga naga-edad 15 panubo kag 65 pasaka sa siyudad.

Gin-ako ni COVID-19 team spokesperson Jeck Conlu nga mabudlay kontrolon ang hulag sang mga kabataan kag indi malimitahan kun yara sa sulod sang mga malls kag business establishments.

“Kahapon [December 4] gin-istoryahan naton upod sa COVID-19 team ang pag-limit sang mga movement sang aton mga kabataan.

Na-observe naton sa paglibot naton sa siyudad, ang mga kabataan mabudlay kontrolon kag indi naton sila ma-limit kun ara sa mall, ara sa mga establishments, ining mga bata nga daw waay pa gid te buot,” suno kay Conlu.

Pasugtan lang sila nga makaguwa sa ila balay kun mag-access sang ila essentials needs.

“Mapaguwa kita sang aton nga counterpart, reiterating sang guidelines sang IATF nga 15 years old and below and 65 above, indi kaguwa except kun essentials ini..kun magpacheck-up kag ilabe sa senior citizens naton kun magbakal sang ila kinahanglanon,” dugang ni Conlu.

Sa subong suno sa iya gina-finalize na sang team ang guidelines para diri.Gin-athag niya nga luyag lang sang siyudad nga indi magsaka ang kaso sang COVID-19 kag matapos ang tuig nga kontrolado na ang kaso.

“Kinahanglan ini nga himuon sang siyudad [Iloilo] kay ang aton ginatan-aw, indi kita gusto nga magtakop ang tuig nga ang aton nga cases [COVID-19] sa siyudad maga-taas.”Sa tiun nga matapos na ang guidelines, ipatawag sang siyudad ang management sang mga malls kag private establishments agud pahibaluon sa mangin polisa.

Hingyuon man ang ila kooperasyon nga ipatuman ini.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply