1,574 new COVID-19 cases sa Pilipinas, gin-report sang DOH

By: Aine Grace Bravo, Ariel Solacito | December 7, 2020

METRO MANILA — 1,574 ka bag-o nga kaso sang COVID-19 ang nadugang sa Pilipinas subong nga adlaw, Disyembre 7.

Base sa case bulletin No. 268 sang Department of Health, may 441,399 ang kaso sa pungsod lakip ang 24,125 ka active cases.

Nagpanguna sa may pinakamadamo nga bag-o nga kaso ang Davao City – 187; Rizal – 96; Pampanga –80; Quezon City – 69; kag Pasig City – 59.

Gin-report man sang DOH ang 80 new recoveries rason nga nagsaka sa 408,702 ang total recoveries.

Nagsaka naman sa 8,572 ang total deaths sang nadugang ang 18 ka bag-o nga nagkalamatay bangud sa COVID-19. | via DOH