Padayon nga pag-abot sang mga Badjao sa Iloilo City sa pihak sang istrikto nga mga protocols sa barko, ginkatingala sang COVID-19 Task Force spokesperson

ILOILO CITY – Makatilingala kun ngaa padayon ang pag-abot sang mga Badjao sa syudad sang Iloilo.

Pahayag ini ni Iloilo City COVID-19 Taskforce spokesman Jeck Conlu sa pihak sang istrikto nga protocols sa pagsakay sa barko pakadto sa syudad.

Suno kay Conlu, makigsapol siya buwas, Disyembre 8, sa taga-Coast Guard kag Regional Inter-Agency Task Force agud ma-imbentaryo ang kadamuon sang mga Badjao kag mapabalik sila sa ila lugar.

Pamangkuton man ni Conlu ang Coast Guard kun paano nakalusot ang mga Badjao sa pagsakay sa mga barko.

Nagakabalaka si Conlu bangud wala nagasuksok sang face mask kag face shield ang mga Badjao nga nagapangayo-kayo.