TIGBAUAN, Iloilo – Blangko ang pamilya ni Jessie Turao, 35-anyos sang Barangay 8 Poblacion, Tigbauan, kun ano ang motibo sa pagpatay sa iya.

Nobyembre 28, pasado las-tres sang hapon, sang nasapwan ang lawas ni Turao sa Barangay Taro, Tigbauan nga may mga pilas sang pagkatiro.

Suno kay Ritchel Turao-Jaime nga magulang sang biktima, nakita pa nila si Turao sa ila compound sang Nobyembre 28 sang aga.

Las-2:55 sang hapon sang amo man nga fetsa, nakapadala pa si Turao sang text message sa iya magulang nga maapas siya sa ila sa Tubungan.

Pero nakibot sila sang nahibaluan ang natabu. Magluwas sa pusil, may na-recover nga apat ka sachets sang suspected shabu kay Turao, suno sa Tigbauan police.2016 sang nadakpan sa drug operation si Turao, kag naka-guwa sang Hunyo subong nga tuig. | via Firingline

Background: https://bit.ly/3lM1LPe

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply